Te Whakatūnga o te Marae

'Mā pango, mā whero, ka oti te mahi'

.

.

.

.

Ko ngā whakaahua kei runga ake nei - 'Ko te marae ātea' me te wharekai e kīia nei ko 'Kenana'

I ngā rā o mua kāore tō mātou marae. Tū ai ngā momo āhuatanga marae pērā i te tangihanga, te pōwhiri, te rā whānau me ērā mea katoa, ki tēnā kāinga, ki tēnā kāinga o te whānau. Kia tae mai te tini me te mano ka whakatūria he tēneti nui hei whakaruruhau, hei manaaki i a rātou.

I te tau 1975 ka whakawāteatia tētehi whare nō te kamupene hūnuku whenua i Hongoeka, hei hoko.

Nā ētehi o te whānau taua whare i hoko i runga i te mōhio a ngā rā e heke mai nei ka kohikohia e ngā whānau katoa Hongoeka he pūtea hei utu. He nui ngā āhuatanga kohikohi pūteā i mahia e mātou i ngā rā whakatā, i roto i ngā tau.

Nā te whānau Rangihaeata te whenua i tū ai te whare i takoha hei marae mō mātou. Nā te whānau o Hongoeka te nuinga o te marae me ngā whare i whakapaipai, i hanga hoki mō te kore utu i a rātou e wātea ana.

Ko te whakaahua i raro iho nei e kīia nei 'Tōku Whare' nā Pare, e 5 tōna pakeke (Tau 1)