Ngā Pātai Auau
He aha te kaupapa Tikanga Tuku Iho?
I whakatūria te Tikanga Tuku Iho hei hopu, hei tiaki hoki i ngā taonga tuku iho o Aotearoa ki te ipurangi. Ka pēnei mā te hanga pātengi raraunga "e ora ana" o ngā rauemi taonga tuku iho tūturu. Mā te paetukutuku nei ka taea e ngā kura katoa te whakawhanake me te tiaki i ā rātou ake rauemi taonga tuku iho ā-ipurangi nei.
Me pēhea te whakapā atu ki te pūtere Taonga Tuku Iho?
Tuku ī-mēra atu ki livingheritage@2020.org.nz
Wāea + 64 4 472 5522
Wāea whakaahua
Me tuhi reta rānei ki Taonga Tuku Iho - Pouaka Poutāpeta 20-020, Te Whanganui a Tara 6242, Aotearoa.
Ka taea e tēhea kura rānei te uru atu?
Āe! Kei te wātea te whakaaturanga nei ki ngā kura katoa o Aotearoa.
He tepe ā-tau rānei ki te hunga tamariki e hiahia ana kia uru mai?
Ahakoa pēhea te pakeke o te tangata, ka taea te uru mai ki roto i a Taonga Tuku Iho - ko tāna noa iho, ko te nui ko te iti rānei o te tautoko ka hiahiatia.
He utu anō rānei mō te uru mai ki roto i a Taonga Tuku Iho?
Horekau! Kāore he utu mō te uru mai. Kāore hoki he herenga.
Pēhea tōna hono atu ki te marautanga?
Ko te kaupapa o Taonga Tuku Iho he whakarite ngohe ā-marautanga mō ngā kura, me te whakauru i ngā wāhanga marautanga ICT tae atu ki te pūtaiao, tikanga ā-iwi, te hangarau, te Ingarihi me Te Mātauranga Whakapūmautanga. Tirohia tā tātou whārangi Te whakauru marautanga mō te roanga atu o te pārongo.
Ko te whāinga o Taonga Tuku Iho he kipakipa i ngā tauira kia hiki te kaha me te tōtika o te akoranga. Ka uru mai ngā tauira ki roto i ngā āhuatanga motuhenga tūturu. Me haere ngā ākonga ki te kimi kōrero, ki te mahi tahi ki te tangata, ki te whakaako i a rātou anō, ki te whakaako i a koe anō, ki te whakatika raru, ki te rangahau, ki te whakaputa kōrero hoki.
Ko ēhea kaupapa ka taea te ako?
Ka whakatenatenahia ngā kura kia kite i tētahi wāhanga taonga tuku iho ahurei o te wā kāinga. Kei te wātea kia whakaarohia tētahi mea whakahirahira o tōu hapori ahakoa he tangata, he ahutanga i pā, i tū rānei, he tohu whenua, he marae, he whare rānei. Tirohia te paetukutuku he whakaaro mō te kaupapa.
Me pēhea te uru atu?
Haere ki Uru mai, ka whakaoti ai i te puka uru mai kei runga ipurangi.
Ka taea rānei te mahi neke atu i te kotahi pūtere?
Āe- mehemea ka maha ake ko te painga atu tērā. Kāore he tepe ki te maha o ngā pūtere ka taea te whakaoti.
Ka taea rānei te takatū i tētahi kaupapa kua oti kē?
Āe mārika. Hēoi anō tāu he huri i te kaupapa kua oti kē ki tētahi rauemi ipurangi. Ka taea te whakamahi i tā mātou tauira, te whakamahi rānei i tōu ake pūmanawa rorohiko mō te whakaputa kōrero ki runga ipurangi, pērā i a Dreamweaver, i a Front Page rānei.
Pēhea te roa o te wā?
Kei a koe te tikanga ka pēhea te roa o tētahi pūtere Taonga Tuku Iho. Ka āhei koe ki te whai atu i te kaupapa mō te wiki, mō te wahanga kura, mō tētahi wā roa atu rānei.
Ka aroturukihia rānei ngā pūtere?
Āe. Ko te whāinga kia kaua e heke iho i te tino teitei o ngā mahi nei, ā, kia noho haumaru tonu ngā tauira me ngā kaiako.
Ka taea rānei e koutou te āwhina i a mātou ki te hanga rauemi?
Āe mārika. - kei te wātea te kaiwhakahaere Tikanga Tuku Iho hei āwhina ahakoa āhea noa. Heoi anō tāu he tuku īmēra mai ki waea mai rānei 04 .livingheritage@2020.org.nz
Anō rā, kua whakaaro koutou kia tonoa ngā tāngata i roto i tōu ake hopori ki te tautoko i ngā ākonga ki te whiwhi pūkenga ICT? Tēnā pea kei te wātea ētahi o ngā mātua, ētahi o ngā whānau, ngā pouako pia, ngā ākonga ICT o ngā kura tuarua, ngā tāngata i roto i ngā rōpū ICT ā-hapori rānei ki te āwhina.
Me pēhea te whakarite kia noho ki runga ipurangi tā mātou paetukutuku?
Haere ki Publish tour story. Ko tēnei kei te whakamārama i ngā mahi katoa me mahi e hiahia ana koe, ā, ka tukuna hoki he āwhina hangarau.
Ka taea rānei te whakamahi i ngā whakaahua ā-mati?
Āe, engari he mea nui kia tukuna ngā whakaahua ka taea e ngā PC me ngā AppleMac te torotoro. Kua whakaitihia te rahi o ngā kōnae kia māmā ake ai ki te Ipurangi, kia mārama hoki ai ētahi atu rorohiko.
He aha i horahia ai ki te mōhio ki ngā momo whakatakotoranga hoahoa?
Mehemea kei te whakaahua hoahoa koe mō te ipurangi, ā, ka tohua hei kōnae hē, e kore te nuinga e taea te titiro ki ōu hoahoa.
Nā reira ko ēhea whakatakotoranga hoahoa kei te tautokohia e ngā tauira o Taonga Tuku Iho?
Te JPEG me te GIF
Ka taea te whakamahi hopuranga rīpene ataata, ā-taringa hoki?
Āe. Whakapā mai ki te kaiwhakahaere Taonga Tuku Iho, mō te roanga atu o ngā kōrero.
