Take 28: Paenga-whāwhā 2012
Kia ora, nau mai ki tēnei whakaputanga o te pānui Tikanga Tuku Iho.
Pānui mohoa
Ngā Kōrero Hou o Tikanga Tuku Iho
Ngā mihi nunui ki ēnei kura e oti nei ā rātou paetukutuku!
Tirohia tā mātou kōrero hou ko Our playground in Island Bay e pā ana ki te Papa Rēhia o Shortland i Te Whanaganui-a-Tara, tētahi wāhi tino pai rawa atu ki a rātou i hangā ai e tētahi rōpū tamariki whakaurunga hou i āwhinatia ai e tō rātou kaiako
Tērā anō tētahi kōrero hou nā ngā Patea 2012 i ngā whakaahua me ngā tuhituhinga e pā ana ki tētahi āwhā o mua tata nei i pākia ai tō rātou hapori.
Pānuihia hoki ngā tūhuratanga i kitea ai e ngā ākonga o te tau 5 me te tau 6 e pā ana ki ngā āhuatanga noho a te tangata i tō rātou hapori i roto i ngā tau kotahi rau ki muri, mā tā rātou kōrero e kīia nei ko .Whanaungatanga
Living Heritage in the Pacific
Ki te tirotiro koe i 'Ngā kōrero a ngā kura' ka kitea te maha i oti ai mō te Kaupapa Tikanga Tuku Iho mō Ngā Moutere o Te Moananui-a-Kiwa i raro i Te Kōmihana Matua o Aotearoa mō UNESCO . Atu i ngā kōrero i hangaia i ngā kura o Aotearoa, ko ngā mea a Hāmoa, me ngā Kuki Airani. I tautokotia ngā kura katoa ki te īmēra, te waea, me te āwhina kura ā-roto, i a rātou e rangahau ana.
“Ki tā UNESCO ka whakarato ngā taonga tuku iho e ora ana, e kore e āta kitea rānei, i te tuakiri, me te ukiuki ki te tangata. Mā te āwhina i ngā taitamariki ki te ako mai i ngā kōrero o nehe e āwhina i a rātou ki te takatū mō ngā rā e heke mai nei.”
He rēhita hou mō ngā Tikanga Tuku Iho?
I ngā wā katoa, kimi ai mātou i ngā kōrero hou, rerekē hoki mō te paetukutuku nei. Mehemea kei te pīrangi koe ki te matapaki i ō ariā, tēnā whakapā mai ki a mātou rānei, haere rānei ki Whai wāhi i runga i Tikanga Tuku Iho mō ētahi atu pārongo anō. He rawe mēnā ka whakaatuhia tō kōrero.
Te Puka Whakaetanga mō te Mana Pupuri me te Tūmataiti
Hei te wā ka oti tō kaupapa kōrero me whakakī koe i te puka Tikanga Tuku Iho – Pepa Whakaaetanga mō te Mana Pupuri me te Tūmataiti, mā reira e mōhio ai mātou kua whiwhia kētia ngā whakaetanga katoa, ā, kei te tiakina ēnei e te kura. E kore e taea e mātou te whakaputa i tō paetukutuku kia whiwhi rā anō mātou i taua whakaūnga. Tēnā, kaua e tuku mai i ētahi atu whakaetanga kua whiwhia e koe, engari anō rokirokia i tō kura.
Kei te hanga kaupapa kōrero koe?
He mea nui whakaharahara ki a mātou ki te kite atu i a koutou i ngā i hui, i ngā awheawhe, i ō koutou kura hoki puta noa i tēnei tau. Kia mahara koutou mā te īmēra, mā te waea rānei koutou e whiwhi tautoko ai. He pai ki a mātou te mahi tahi me koutou, kei te koa hoki mātou i ngā wā katoa ki te āwhina i a koutou.
Hei konā me ngā manaakitanga
The Living Heritage team.
Barbara Baker
Community Facilitator
Living Heritage
