Ngā Pūranga Kōrero

Kua whakarite mai e nga akonga o Palmerston etahi korero tawhito me etahi korero hou e pa ana ki to ratou kura me to ratou takiwa.

Matakihia tenei wahi ipurangi ‘Coasting the Coast’ a, miharotia mai ki nga whakaaturanga whakahirahira o te ara moana. He mahi ngatahi tenei wahi ipurangi o nga akonga o Te Kura o Kakanui i te tahamoana o Otepoti ki te raki.

I tūhurahia te kaupapa o te kura o Mahana, i ngā pūrākau mō o rātou hapori me te iwi whānui hoki, mai i ngā wā i puta mai ngā kōrero tūturu. He hapori pakupaku a Mahana kei te tere whakarerekē, ā, nā rātou te tono ki te whakanui i tētahi wāhi kāinga me te tū ā-tangata i roto i tō rātou ao o mua, tae noa ki nāianei, me ngā mariu o ngā rā e heke mai ana.

Koinei ngā kōrero i rangahautia, i tuhia hoki e ngā ākonga o te Ruma 3, o te Kura Tuatahi o Milford mō te taiāwhā, arā, te Boxing Day Tsunami i Sri Lanka, me ngā mahi a te hapori o North Shore ki te āwhina ki te tautoko i te pā o te iwi Thalpitiya. Ka kōrero anō ngā akonga i ngā mahi haumaru i te wā e pākia ana te takutai e tētahi taiāwhā

Kua auahahia e te Kura Tuatahi o Campbell’s Bay, he pae whakaata mō te mahi hangaruatanga i te kura, ā, he wāhanga nō te kaupapa Tikanga Tuku Iho. E ako ana ngā ākonga o te kura o Campbell’s Bay i ngā mahi hangarua, me te kimi anō hoki i ētahi atu huarahi hei āwhina ki te whakakaha i te hunga tangata ki te hangarua mea, me te kite hoki i ngā painga o te hangarua, ki te whakarite whakaaro hōu mō te whakamahi i te kaupapa hangarua i te kura.

I tohua e ngā akonga tau 6, tau 7, me te tau 8 mai i te kura o Duntroon School ki te tūhura i ngā āhuatanga o te hawai nā te mea i kitea e rātau he tino pounamu tonu tēnei mea o te wai ki te hunga pāmu huri noa i Duntroon. Tirohia tā rātau paetukutuku ki te akoako i ngā mahi e pā ana ki ngā pūnaha hawai me ngā mahinga i roto i tō rātau rohe.

I hangaia e ngā ā konga o te kura o Otepopo o te rohe North Otago tētahi paetukutuku e whakaatu ana i a rā tau tuhuratanga ki ngā kōrero hitori e pā ana ki te urupā o Herbert-Otepopo. Kei roto i ēnei rangahautanga ngā kōrero e pā ana ki ngā mahi a ngā urupā, me tētahi ruri o ngā rā i mate ai te hunga o taua urupā.

I ākongatia e ngā ākonga tau 4 me te tau 5 mai i te kura o Totara, ki te tonga o Oamaru ngā kōrero hītori mō tā rātau rohe mō ngā tau 50 kua pahure. E whakaatu ana tānei paetukutuku i a rātau rangahautanga ki te kura o Totara, te hau kāinga o Totara Estate me te rohe o Totara.

Kua rangahautia, ā, kua whakaaturia hoki e ia akomanga o tēnei kura tētahi kaupapa, pērā i ngā ratonga e wātea ana, te take e haere ai te tangata ki Waitaki, te take i nōhia tēnei wāhi e te tangata, tae atu ki a rātau ake mahi i reira.

I tūhurahia e ngā ākonga Tau Tahi me te Tau Rua mai i te Kura Our Lady of Lourdes, Mai i te Papaioea, i te ahuatanga o te putorino Māori hei taonga tuku iho. He hononga kei tēnei pae ki ngā kōnae ataata me ngā kōnae oro hoki e mahia ana ēnei pūtōrino mā ngā tangi o ngā pūtōrino a te Māori.