Take 27: Mahuru 2010
Kia ora, nau mai ki tēnei whakaputanga o te pānui Tikanga Tuku Iho.
Pānui mohoa
Ngā Kōrero Hou o Tikanga Tuku Iho
Ngā mihi nunui ki ēnei kura e oti nei ā rātou paetukutuku!
Tirohia a Motu – From bush to grass nā ngā ākonga o Te Kura o Motu; Tiniroto through the looking glass nā ngā ākonga o Te Kura o Tiniroto; Waerenga-o-Kuri history nā ngā ākonga o Te Kura o Waerenga-o-Kuri, me Identity nā ngā ākonga o Te Kura o Waipaoa Station. I hui tahi ai ngā kaiako, ngā ākonga, me ngā mātua nō ngā kura e whā, i Te Whare Taonga o te Tai Rāwhiti ki te whakanui, ki te whakarewa hoki i ā rātou kaupapa kōrero. I kōrero ngā ākonga o tēnā kura, o tēnā kura mō ā rātou ako me te whakaatu i ā rātou mahi huri noa i te rūma.
Tirohia hoki a The Living Canoe, arā, ko te kōrero tuawhā mō te kaupapa o UNESCO i Te Moananui-a-Kiwa. Ko tēnei kōrero nā Te Kura Tuarua o Mitiaro e whakamārama nei i pēhea tō rātou hapori ā-kura i hanga waka ai me ngā akoranga mīharo i ākona e ngā ākonga.
Tikanga Tuku Iho me Te Ara
Ka kitea ngā kōrero Tikanga Tuku Iho kei ngā wāhanga ‘Further Sources’ puta noa i te paetukutuku Te Ara - The Encyclopedia of New Zealand. Pānuihia a Signposts kia mōhio ai i pēhea i taea tēnei āhuatanga, kia kite hoki ai kei whea ēnei kōrero. Atu i tēnei wā ka tirohia e mātou ka pēhea ō kōrero Tikanga Tuku Iho e pā ai ki ngā kaupapa o Te Ara kia taea ai ēnei te tāpiri anō hoki.
He rēhita hou mō ngā Tikanga Tuku Iho?
I ngā wā katoa, kimi ai mātou i ngā kōrero hou, rerekē hoki mō te paetukutuku nei. Mehemea kei te pīrangi koe ki te matapaki i ō ariā, tēnā whakapā mai ki a mātou rānei, haere rānei ki Whai wāhi i runga i Tikanga Tuku Iho mō ētahi atu pārongo anō. He rawe mēnā ka whakaatuhia tō kōrero.
Te Puka Whakaetanga mō te Mana Pupuri me te Tūmataiti
Hei te wā ka oti tō kaupapa kōrero me whakakī koe i te puka Tikanga Tuku Iho – Pepa Whakaaetanga mō te Mana Pupuri me te Tūmataiti, mā reira e mōhio ai mātou kua whiwhia kētia ngā whakaetanga katoa, ā, kei te tiakina ēnei e te kura. E kore e taea e mātou te whakaputa i tō paetukutuku kia whiwhi rā anō mātou i taua whakaūnga. Tēnā, kaua e tuku mai i ētahi atu whakaetanga kua whiwhia e koe, engari anō rokirokia i tō kura.
Kei te hanga kaupapa kōrero koe?
He mea nui whakaharahara ki a mātou ki te kite atu i a koutou i ngā i hui, i ngā awheawhe, i ō koutou kura hoki puta noa i tēnei tau. Ko te tūmanako kia pai te wāhanga whakamutunga mō te kura, kia koa hoki koutou e mahi tonu ana i ngā paetukutuku. Kia mahara koutou mā te īmēra, mā te waea rānei koutou e whiwhi tautoko ai. He pai ki a mātou te mahi tahi me koutou, kei te koa hoki mātou i ngā wā katoa ki te āwhina i a koutou.
Hei konā me ngā manaakitanga
The Living Heritage team.
Barbara Baker
Curriculum Facilitator
Living Heritage
livingheritage@cwa.co.nz
