Ngā paetukutuku a ngā kura

Ka kōrerohia e ngā ākonga tau 5 me te 6 nō te Kura o Our Lady of Lourdes tā rātou rangahau e pā ana ki tētehi whare puri mahara, tohu hoki i Papaioea. Mā ngā whakaahua me ngā tuhinga e kite ai ā rātou mahi kei tā rātou rātaka ā-ipurangi.

I te tau 2009 ka rangahaungia e ngā ākonga o te Kura o Millers Flat tō rātou tuku ihotanga. Ko te whāinga, he waihanga i tētehi pātengi raraunga e kikī ana i ngā mōhiohio e pā ana ki ngā taonga tuku iho o tō rātou ake rohe. Pānuihia ā rātou rangahautanga.

I whai mōhiotanga ngā ākonga tau 1 ki te 2 nō te kura tuatahi o Russley i Ōtautahi, e pā ana ki tō rātou hapori ake me ngā mea e ngākau nuitia ana e rātou. Pānuihia te kōrero mō tētehi rākau whakahirahira e tū pātata ana ki te kura i huraina ai e rātou, ā, e tiakina tonutia ana e te kaunihera ā-rohe.

I ahu mai ō tātou ingoa huarahi i whea? I whakatau tētehi rōpū nō te kura o Cashmere Avenue i Te Whanganui-a-Tara kia rangahaua ngā tāhuhu kōrero e pā ana ki te whakaingoatanga a ngā huarahi o roto i te takiwā o Khandallah. Pānuihia ā rātou kōrero kia mōhio mai tā rātou i ako ai.

I whakaarohia e ngā ākonga o te kura tuatahi o Bellevue i Newlands Pōneke, e pā ana ngā koiora o neherā. Nō reirā, i uiui atu rātou ki ō rātou tūpuna mātua mō ngā koiora i a rātou e tamariki ana. Hōpara atu ki ō rātou paetukutuku kia kite ō rātou tūhura.

Kua mōhio noa atu ngā ākonga o Te Kura o Tinwald e whakanui ana te tāone o Hakatere i te 150 rau tau o te nōhanga nei, i tēnei tau, ā, ka noho rātau ki te rangahau i ngā taonga maha o tō rātau hapori. Tūhurahia te paetukutuku ki te tirotiro he aha a rātau kitenga.

I kōwhiria e Maia, e Olivia rātau ko Rachelle mā, he ākonga mai i te Kura Tuatahi o Tauhara, i Taupo, ki te rapu mai i ngā kōrero hītori e pā ana ki ngā Wairakei Terraces. Tirohia tā rātau paetukutuku mō ngā Pink and White Terraces tūturu, me te hangaiatanga o ngā Wairakei Terraces e te tangata.

I rangahautia, i noho hoki ngā ākonga tau 3, tau 4 ki te ako i ētahi kōrero e pā ana ki te ngarohanga o ngā koeko tapere a ngā Three Kings, ngā tāhuhu kōrero mō tā rātou kura me ōnā āhuatanga ahurea hoki. Tirohia tā rātou paetukutuku kia mōhio ai koe ki a rātou kōrero tūhura.

Ko te hiahia a te reanga teina ākonga o tētahi Whānau Reorua Māori, arā, ko Ngā Uri O Ngā Iwi, mai i tā rātou akomanga, o Te Hononga O Ngā Wai, The Meeting of the Waters, ki ngā kōrero e pā ana ki tā rātou akomanga. Ka whakarite rātou ki te rangahau i ā rātou arawai ā-rohe hei mahi whakamaumaharatanga ki tā rātou kuia, arā, a Whaea Dianne, nāna tonu i tito I te waiata mō rātou hei pūmahara i ngā ingoa Māori ā-wāhi, ā tūpuna hoki mō tā rātou rohe.

I tūhura ngā akomanga reanga tēina e whā o te Kura o Parklands i ngā whare me te takiwā hoki e noho pātata ana ki tā rātau kura. He nui ngā tāhuhu kōrero pārekareka, ā, kua whakahoutia ki te ‘Whare Pupuri Taonga ā-Rohe o Motueka. Tūhurahia ā rātau pae hei rapu i ngā momo whakautu ki ngā pātai whānui i pātaihia e ngā ākonga.