Take 24: Whiringa ā-nuku 2009
Kia ora, nau mai ki tēnei whakaputanga o te pānui Tikanga Tuku Iho.
Pānui mohoa
Ngā tāhuhu kōrero mō Khandallah kua āta tiakina mō te 100 tau
Pānuihia te kōrero nā Tikanga Tuku Iho e kīia nei ko Khandallah Street Names. I whakapau kaha ngā ākonga tokowhitu nō te kura tuatahi o Cashmere Avenue, i Te Whanganui-a-Tara mō ētahi marama (tae atu ki ngā hararei ā-kura) ki te rangahau i ngā tāhuhu kōrero e pā ana ki ngā ingoa huarahi o Khandallah.
Whakarewatanga ā-Whare Pukapuka
I tonoa ngā whānau, ngā hoa, me ngā rangatira e ngā ākonga o Cashmere Avenue kia haere ki te whakarewatanga o tō rātou paetukutuku i te whare pukapuka o Khandallah. Ka kōrerohia i reira ā rātou rangahau me te whanaketanga o tā rātou kōrero Tikanga Tuku Iho.
Ki tā Lily, tētehi o ngā kairangahau, he nui ngā tāhuhu kōrero mō Khandallah kua ākona e rātou. “Kua ako mātou i ngā kōrero e pā ana ki ngā tāngata i noho i tō mātou takiwā, neke atu i te kotahi rau tau ki muri, me te mea anō, te take i tapaina ai ngā huarahi maha ki ngā ingoa Iniana.
Ki tā Anne Maree Breen, te pouako matua o te kaupapa Tikanga Tuku Iho i te kura tuatahi o Cashmere Avenue, he kaupapa tino whakaongaonga tēnei mā ngā ākonga, i te mea koinei ngā tāhuhu kōrero e pā ana ki tō rātou hapori ake, waihoki, ka taea e rātou te whakamahi hangarau hei whakaatu i ngā hua o tā rātou rangahau ki runga i te ipurangi.
I huraina e ngā kaimahi o te whare pukapuka i Khandallah tētehi pukapuka e kīia nei ko The Streets Of My City nā F.L. Irvine-Smith, he mea whakaputa i te tau 1948 e A. H. rāua ko A. W. Reed. He tino taonga tēnei me tētehi whakaahua o te kaituhi hei pūtake mō ā rātou rangahau.
I tae ā-tinana atu ētehi māngai nō te Onslow Historical Society ki te whakarewatanga me te whakapuaki anō i te harikoa nā tō rātou āwhina atu i te kaupapa.
Te Whakatere Kōrero
E hiahia ana mātou kia akiakina ētehi atu kura ki te whakanui i ā rātou kōrero ki runga i te ipurangi, mā te whakatū i tētehi rā whakanui ki tō rātou whare pukapuka ā-rohe. Ka tukuna atu e mātou tētehi kawenga tīmatanga, hei ārahi i a koe i roto i tēnei tukanga, pērā i ā mātou mahi mō te kura tuatahi o Cashmere Avenue.
Kia mahara mai. Ki te pīrangi āwhina koe mō tō kaupapa mahi, āhea ake rā, tēnā whakapā mai ki a mātou. E ngākau nui ana mātou ki te mahi tahi me ngā kura, ā, e harakoa ana mātou ki te āwhina. Ka karanga maioha mātou ki ngā kaupapa kōrero hou. Haere ki Whai wāhi kei te paetukutuku o Taonga Tuku Iho mō ngā mōhiohio, ā, me pēhea hoki e rēhita mai.
Ngā manaakitanga
The Living Heritage team
Erris Thomson
Barbara Baker
Curriculum Facilitators
Living Heritage
livingheritage@cwa.co.nz
