He kupu whakamōhio mō te tango whakaahua tino pai

Heke iho ki tō rātou taumata

• Pupuritia tō kāmera ki te taumata ā-karu o te tangata. Ehara i te mea me aka te titiro o te takata ki te kāmera; mā te koki o te taumata ā-karu e haka i te ariā whaiaro, kume tirohaka hoki

Whakamahia he papamuri more

• Tirohia te wāhi kei muri i te takata i mua i te tako whakaahua
• Kia tūpato kei kitea he pou, he rākau rānei e tipu ake ana i te upoko o te takata.
• He mea whakapōkīkī te papamuri parahaka, engari mā te papamuri more e kumea te tirohanga o te takata ki te kaupapa o te whakaahua.

Whakamahia te kohiko mēnā kei waho koe

• Whakamahia i te kaha whitika mai o te rā hei whakamārama ake i kā ātārangi pōuri i raro i kā karu me te ihu, ina koa i te poupoutaka o te rā, i muri rānei te rā i te takata.
• Whakamahia i kā raki kāpuapua hei whakapīataata i kā kanohi hei whakarite kia kōhure atu te kaupapa i te papamuri.

Whakatata atu

• Hei waihaka whakaahua whai hua whakatata atu kia kī katoa tō whakaahua e te kaupapa.
• Whakatata ake anō, whakamahia te topa rānei tae rā anō kia kī te tirohanga/pūtiro i te kaupapa.
• Mā tērā ka whakakorea kā pīroiroi papamuri, ka āta whakaaturia hoki kā āhuataka o te kaupapa.
• Whakamahia te momo 'nui whakaharahara', 'putiputi' rānei kia pai ai ngā whakaahua tako tata.

Takohia he whakaahua poutū

• He pai ake te āhua o te maha o kā kaupapa ki te poutū te tako whakaahua – mai i te pourewa Eiffel tae noa ki kā whakahua o ōu hoa.
• Whakamahara ki te huri tītaha i tō kāmera hei tako whakaahua poutū.

Rakaina te arotahi

• Rakaina te arotahi hei waihaka whakaahua pai mō ngā mea kāore i te pokapū.

Nukuhia atu i te pokapū

• Whakaorakia tō whakaahua mā te whakanoho i te kaupapa ki te taha
• Pohewatia tētahi tukutuku 'tic-tac-toe', kātahi ka whakanoho i te kaupapa ki tētahi o kā rārangi haukoti.

Mātakitakina te aho

• Rangahaua kā pāka o te aho ki āu whakaahua
• Mō kā whakaahua tangata, whiria he aho māmā mō kā rangi kāpuapua. Karohia te whitinga o te rā poutū kei haka i ngā ātārangi ki te kanohi.
• Mō kā whakaahua tirohaka whenua, whakamahia kā ātārangi roa me kā tae o te awatea me te tōrekitaka o te rā.

Mahi hei kaiwhakahaere o te whakaahua

• Whakapaua he wā poto hei kaiwhakahaere whakaahua, kaua hei kaitango whakaahua noa iho.
• Tāpiria he taputapu tautoko; whakariteritea anō kā kaupapa; whakamātauhia he tirohaka kē rānei.
• Whakapiripiri rātou kia kite ai ō rātou āhuatanga whaiaro. Kātahi ka kitea te tino painga haere o āu whakaahua